Православный сайт.

Молченская икона Божьей Матери - Форум          

[Новые сообщения· Участники· Правила форума· Поиск· RSS]
Страница 1 из 11
Форум » Тестовый раздел » Христианский форум. Иконы.Фото монастырей. » Молченская икона Божьей Матери
Молченская икона Божьей Матери
ucnobegbДата: Среда, 01.10.2008, 12:44 | Сообщение # 1
Admin
Группа: Администраторы
Сообщений: 1379
Репутация: 0
Статус: Offline
Молченская икона Божьей Матери

Икона Божией Матери Молченская хранится в Богородице-Рождественской Софрониевой мужской общежительной пустыни, которая находится в 150 верстах от города Курска и в двадцати верстах от г. Путивля, на горах, примыкающих к большому болоту «Молче». Об обстоятельствах явления этой иконы предание рассказывает следующее. Около шестисот лет тому назад, в начале XIV века, из опустошенных татарами киевских пределов пришли сюда два инока и поселились в пещере на «Чудной» горе. Отшельники принесли с собой образ Пресвятой Богородицы, перед которым и совершали свои молитвы. После смерти иноков их предали погребению в устроенной ими пещере. Это место скоро позабылось и очень долго оставалось совершенно никому неизвестным, так как оно было пустынное и дикое, заросшее дремучими лесами, по которым бродили только бортники, отыскивая пчелиные улья для добывания меда. Но в княжение Василия Дмитриевича (1389—1425 гг.) и при митрополите Киприане Богоматери было благоугодно прославить это дикое место явлением Своего чудотворного образа.
В 1405 году один из бортников, бродя по лесу, зашел на Чудную гору и приблизился к тому месту, где были погребены иноки. Вдруг его озарило необычайное сияние. Внимательно осмотревшись, он увидел на ветвях липового дерева икону Пресвятой Богородицы с Предвечным Младенцем. Благоговейно опустился он на землю при виде этого чудесного знамения и услышал громкий неведомый голос: «Да созиждется на сем месте церковь Пресвятой Богородицы».
Бортник поспешил в Путивль и там рассказал гражданам города о случившемся. Духовенство в сопровождении городских властей и множества народа тотчас же отправилось на указанное бортником место явления св. иконы, и все увидели ее стоящей на дереве и окруженной небесным светом. С радостными слезами благоговейно поклонились ей и совершили молебное пение; многие тут же получили исцеление.
Благочестивые путивльские граждане воздвигли здесь временную небольшую часовню, в которой и была сначала поставлена явленная чудотворная икона. Весть о явленной иконе и чудесах от нее достигла до великого князя и митрополита. С их разрешения и содействия на этом месте была воздвигнута церковь во имя Рождества Пресвятой Богородицы и основан общежительный мужской монастырь. В Смутное время эта обитель подверглась разорению, и игумен ее Пафнутий с братией принуждены были перейти в город Путивль, в новопостроенный там монастырь, который получил название Большого Молченского. Иноки вместе с собой взяли сюда и святую Молченскую икону.
Когда в этой обители случился большой пожар, чудотворный образ исчез неизвестно куда. На месте первоначального явления иконы в Софрониевой пустыни Сохраняется доныне точный список с нее, принесенный сюда в 1635 году при строителе Софрониевой пустыни Серапионе от сумского атамана Лукиана Константинова. Помещается эта икона в иконостасе над царскими вратами и при пении акафистов спускается на шелковых шнурахвниз для лобызания верующими.
Эта икона отличается необыкновенно величественной живописью. Богоматерь изображена в короне; на правой руке Ее Богомладенец, а в левой лествица. Перед Ней изображен молящийся человек. Празднование в честь этой иконы совершается два раза в год: 18 сентября — в день ее явления и 24 апреля — в день перенесения ее из Путивля в Софрониеву пустынь.

Евгений Поселянин "Сказания о чудотворных иконах Богоматери". (1919г.)

Празднуется 7 мая и 1 октября.
(18 сентября и 24 апреля по старому стилю).

Прикрепления: 8869097.jpg(32Kb)
 
ucnobegbДата: Среда, 01.10.2008, 12:50 | Сообщение # 2
Admin
Группа: Администраторы
Сообщений: 1379
Репутация: 0
Статус: Offline
Акафист Молченской иконе Божией Матери
Празднование в честь Молченской иконы Божией Матери совершается 7 мая и 1 октября (по новому стилю)

Кондак 1

Избранной от всех родов Божией Матери благодарственная приносим пения о явлении чудныя Ея иконы, к Нейже притекающии от бед,
скорбей и болезней скорое приимут избавление. О, небесе и земли Царице, буди нам милосердная Мати, да любовию Твоею во вся дни жизни
нашея охраняеми, вопием Ти:
Радуйся, Образе любве неизреченныя, Пресвятыя Троицы чистое зерцало.

Икос 1

Ангелов Творец избра Тя, Владычице, спасению послужити рода человеческаго. Ты же, на славный и многоскорбный сей жребий согласие
давши, плоть Свою воплощению Сына Божия даровала еси. Ныне же предстательствуеши за нас пред Ним и велию Твою милость изливаеши
чрез многочисленныя иконы Твоя чудотворныя. К единей же от них, «Молченской», припадающе, из глубины сердца взываем Ти:
Радуйся, Святое селение Слова Божия;
Радуйся, Света Неприступнаго Вместилище;
Радуйся, Престоле Господень превознесенный;
Радуйся, решения Предвечнаго Совета Исполнительнице;
Радуйся, Камене домостроительства Божия;
Радуйся, Небеснаго воинства Царице;
Радуйся, Царя царствующих Мати;
Радуйся, Новый Эдеме, славнейший древняго;
Радуйся, Евино падение к восстанию подвигшая;
Радуйся, рождеством Своим главу змиеву поправшая;
Радуйся, древней клятвы разрешение;
Радуйся, Обетование грядущаго спасения;
Радуйся, Образе любве неизреченныя, Пресвятыя Троицы чистое зерцало.

Кондак 2

Видяще Тя, Богородице, на иконе дивней Твоей, во объятиях Сына Божия держащую, в деснице Твоей зрим лествицу, иже путеводительство
Твое являет. По ней же помощию Твоею и молитвами на небо восходим, идеже вси праведнии воспевают Богу: Аллилуиа.

Икос 2

Разум немощный изумляется, Богомати, егда в знацех, на древней иконе Твоей явленных, тщится объяти глубину непостижимую служения
Твоего: одеяние бо Твое яко из темных облак соткано, на десном рамене – светило лунное, на главе Твоей – лик солнечный, на персех – дуга
многоцветная. Дивяся сему, в изумлении вопием Ти тако:
Радуйся, Ковчеже Ноев, народ святый Богу спасающий;
Радуйся, Голубице, благую весть в потопе житейстем погибающим принесшая;
Радуйся, Дуго многоцветная, обетование спасения нашего;
Радуйся, Лествице Иаковля, Еюже сниде Бог к людем Своим;
Радуйся, Купино Неопалимая, огнь Божества неврежденно приимшая;
Радуйся, Жезле Моисеов, в море житейстем путь спасения указующий;
Радуйся, Море Чермное, по прошествии Израиля непроходно пребывшее;
Радуйся, Живоносный источниче, в пустыне напояющий жаждущия;
Радуйся, Манно Небесная, присно питающая многих;
Радуйся, Скрижале, в Тебе бо Слово спасения вообразися;
Радуйся, Ковчеже Завета одушевленный, Христа-Законодавца внутрь носивший;
Радуйся, Святая Святых несравненно большая;
Радуйся, Образе любве неизреченныя, Пресвятыя Троицы чистое зерцало.

Кондак 3

Силу разумения Писаний подати нам просим, Владычице, дабы познати, яко пророцы древле прорекоша во образех мнозех прикровенную до
времени славу Твою, Богомати. Тако и ныне возсиявши в иконе Твоей средь блат Молченских, образ нам являеши, яко да возсияет свет
милости Твоея, Владычице, средь блата греховнаго душ наших, тем же возславим Бога: Алилуиа.

Икос 3

Имаше промышление благое о людех Твоих, Богородице, зрим убо, яко древле прореченное во пророцех, являеши ныне ко вразумлению
нашему в чудотворных иконах Твоих. Ведуще сие, воспоим Ти тако:
Радуйся, Заступнице, предстоиши бо Христу, яко Царица, златыми ризами добродетели одеяна;
Радуйся, Горо тучная, усыренная Духом, в Тебе бо благоволи пребывати Бог;
Радуйся, Чертоже Царский, Граде избранный, в нем же вселися Христос;
Радуйся, Руно Гедеоново, на Него же Дух Святый сшел еси, яко дождь;
Радуйся, Избраннице Божия, о Тебе же древле воспе Соломон: Вся добра еси, Ближняя моя;
Радуйся, Ковчеже одушевленный, в Тебе бо Премудрость Божия созда Себе дом;
Радуйся, Вместилище небесами Невместимаго, о Тебе бо Исаия возопи: Се, Дева во чреве приимет;
Радуйся, Жезле процветший, от Него же прозябе нам Цвет небесный Христос;
Радуйся, Дево, Иезекиилем предреченная, Ею же, затворенней вниде Бог;
Радуйся, Колеснице огнеобразная Сущаго на херувимех;
Радуйся, Книго запечатленая, в Ней же Перстом Божественым начертася нам Слово Божие;
Радуйся, Горо Несекомая, от Нея же Краеугольный Камень отсечеся, Христос;
Радуйся, Образе любве неизреченныя, Пресвятыя Троицы чистое зерцало.

Кондак 4

Бурю напастей и распрей воздвизаемую умирила еси заступничеством Твоим, Богомати, егда Лжедмитрий со иноплеменницы злоумышлял
есть в Путивле против земли Русской. Тако ныне предстательством Твоим умири мир, просвети отступивших от Бога и разори советы
нечестиых противу Церкви Христовой. Да прославим Бога, даровавшего таковую Заступницу, поя Ему: Аллилуиа.

Икос 4

Слышавше словеса Твоя, Богородице, о первописанней иконе: С сим образом благодать Моя и сила, с надеждой припадаем к святым иконам
Твоим и прославляем житие Твое тако:
Радуйся, неплодных богоотец Иоакима и Анны благоуханный плод;
Радуйся, в храм законный жити приведенная и во Святая Святых, на общение Ангелов введенная;
Радуйся, путь девства Приснодевством Своим освятившая;
Радуйся, Благодатная, благую весть о рождестве Сына Божия от Архангела получившая;
Радуйся, Благословенная в женах, избранничеством и смирением Своим Бога на землю низведшая;
Радуйся, целование Елизаветино и взыграние младенца ея яко пророчество приимшая;
Радуйся, крайнее снисхождение Божие продолжила еси, в вертепе Сына Божия рождши и в яслех положивши Его;
Радуйся, рождеством Сына Своего ангелов возвеселившая;
Радуйся, поклонение пастырей и дары волхвов Сыну Божию приимшая;
Радуйся, скорбей, Симеоном Тебе предреченных, не убоявшаяся;
Радуйся, от злобы Ирода со Младенцем Христом Ангелом спасенная;
Радуйся, явлением Своим идолов египетских сокрушившая;
Радуйся, Образе любве неизреченныя, Пресвятыя Троицы чистое зерцало.
Кондак 5
Боготечная звезда есть людем икона Твоя, Богомати, являеши бо ся в ней Одигитрией, путь на небо нам указующей. Молим Тя, Преблагая,
укажи нам царский путь ко спасению, да шедше им, воспоим Богу: Аллилуиа.

Икос 5

Видяще, Богородице, дивную икону Твою, яко щит в житейстех бранех нам данную, обратимся душею к многоскорбному и славному пути
Твоему и воззрим со смирением на беды и скорби наша, да наставлением Твоим усмотрим в них Божие промышление, ко спасению
подаваемое. Разумевше же сие, воспоим Ти тако:
Радуйся, Сына потеряннаго, в доме Отца – Храме Божием обретшая;
Радуйся, о преложении воды в вино на браке в Кане Сына упросившая;
Радуйся, весь крестный путь Сына Божия до Голгофы с Ним прошедшая;
Радуйся, Преблагословенная, апостолов твердостию Своею превзошедшая;
Радуйся, Божество Сына Своего в самих муках Его прозревшая;
Радуйся, преданность смотрению Божию при кресте Христовом явившая;
Радуйся, грех распенших Сына Твоего любовию покрывшая;
Радуйся, весь род человеческий в лице Иоанна Богослова при кресте усыновившая;
Радуйся, первая от человек воскресшаго Господа узревшая;
Радуйся, вознесение Господа зрящи, прославлению человечества Его возликовавшая;
Радуйся, по успении своем душу в руце Сына Своего предавшая;
Радуйся, яко по вознесении своем на небо там предстательствуеши за нас;
Радуйся, Образе любве неизреченныя, Пресвятыя Троицы чистое зерцало.

Кондак 6

Проповедниками славы Твоея, Богомати, в земли Сумской, явистася два инока, принесших икону Твою во дни древния из разоренных
пределов Киевских на гору Чудную посреде блат Молченских. Видящии же ту и уверившиися в чудотворениих ея возопиша Богу: Аллилуиа.

Икос 6

Возсия на Чудной горе благодать велия, егда по смерти иноков, икона Твоя, Богородице, бортнику явися, и, по велению Твоему, на месте
явления ея церковь Рождества Богородицы людем путивльским в радость велию основася. С ними же и вся Церковь Православная
славословие приносит Ти таковое:
Радуйся, усердно внимавшая учению Сына своего;
Радуйся, верная Исполнительнице дела Христова;
Радуйся, Благословеннная, апостольский жребий приявшая;
Радуйся, Храме Бога Живаго, Церковь собою прообразившая;
Радуйся, Столпе и Утверждение Истины, Церкве покров и заступление;
Радуйся, Премудросте Божия, стадо Христово назидающая;
Радуйся, Источниче красоты церковныя;
Радуйся, храмов Божиих благоукрашение;
Радуйся, благодать и силу образом своим сообщающая;
Радуйся, благолепием службы церковныя исполняющая;
Радуйся, благозвучие молитвеннаго пения благодатию напояющая;
Радуйся, Сердце Церкве, ответную любовь у верных вызывающая;
Радуйся, Образе любве неизреченныя, Пресвятыя Троицы чистое зерцало.

 
ucnobegbДата: Среда, 01.10.2008, 12:55 | Сообщение # 3
Admin
Группа: Администраторы
Сообщений: 1379
Репутация: 0
Статус: Offline
Кондак 7

Хотяй бортник меду собрати, виде на ветвех в сиянии яко солнце икону Твою, Богомати. Слыша же глас: Да созиждется на месте сем церковь
Пресвятыя Богородицы, мед истинный вместо пчелинаго обрет, возопи Богу: Аллилуиа.

Икос 7

Новозданный храм на месте явления иконы Твоея, Богомати, многих молящихся привлекл есть. Молитвами же и подвигами Софрониева
пустынь во имя Рождества Твоего, Владычице, основася зде. Иноцы же обители сей славяше Тя тако:
Радуйся, от мира отрекшимся духовное утешение дарующая;
Радуйся, во бранех духовных непобедимая Споборнице;
Радуйся, православных обителей благоустроение;
Радуйся, трудов монашеских благоплодие изрядное;
Радуйся, яко чудная икона Твоя на Чудной горе прославися;
Радуйся, яко среди топи блат Молченских благодать Твоя велия возсия;
Радуйся, яко медом истинным бортнику явившися, ныне напояеши всех;
Радуйся, Софрониевой пустыни основание;
Радуйся, по разорении пустыни иконы Твоея чудное спасение;
Радуйся, путивльския обители премудрое устроение;
Радуйся, обители Молченския из руин чудесное возстание;
Радуйся, земли Путивльския Твердыне и благословение;
Радуйся, Образе любве неизреченныя, Пресвятыя Троицы чистое зерцало.

Кондак 8
Странное чудо явися, егда девица слепая в веси Бусиновской узре Тя во сне, Владычице. Слышавши же слова: Иди вдоль реки и обрящеши
икону Мою, возста от сна, волю Твою исполни. Обретше же чудную икону, в радости возопи: Аллилуиа.

Икос 8

Вся исполняя по слову Твоему, Пречистая, пойде девица по брегу и обрете источник, омывши очи, прозре. Посем до нощи с усердием искаше
девица икону Твою, Богомати, и не узре. Токмо на вторый день сретши икону, из глубины души возопи Ти тако:
Радуйся, град Москву явлением чудныя иконы Твоея посетившая;
Радуйся, веси Бусиновской благословение и благоукрашение;
Радуйся, душ человеческих из мрака изведение;
Радуйся, духовных и телесных очес прозрение;
Радуйся, Живоносный Источниче жизнь вечную источающая;
Радуйся, кладезю Бусиновскому силу благодатную сообщающая;
Радуйся, многих омывшихся в нем скорое исцеление;
Радуйся, Море благодати от иконы Твоея источающая;
Радуйся, Пристанище житейскаго бурнаго плавания;
Радуйся, Звездо, озаряющая души наша;
Радуйся, Небо, сиянием Славы Господней исполненное;
Радуйся, Горо высокая, в горняя душу возводящая;
Радуйся, Образе любве неизреченныя, Пресвятыя Троицы чистое зерцало.

Кондак 9

Всякое истинное утратив разумение, неции от богородичник, неправо воздающе почитание Богородице, навыкли в храм Бусиновский ходити,
смущающе стадо Христово, служителями же церкви вразумлени быша, оставили заблуждение свое, вернии же возопиша Богу: Аллилуиа.

Икос 9

Витии сии многовещаннии, глаголют, яко Дева Пречистая, а не Сын Ея, спасает род человеческий. Сию хулу глаголюще и таинств церковных
не приемлюще отревают себе от Церкви Божией. Мы же, воздавая честь Пречистей, исповедуем Ея Матерью Христа, Сына Божия, и яко
Ходатаице пред Ним за нас навыкли честь Ей возздавати. Сего ради восхваляем Пренепорочную тако:
Радуйся, Дщере Адамова, избранничеством, послушанием и чистотою Своей грех первородный обесплодившая;
Радуйся, Непорочная, личнаго греха единая из жен не имевшая;
Радуйся, Плоде Сладчайший, в дар Господу от рода человеческаго принесенный;
Радуйся, Браконеискусная, нашествием Духа святаго предочищенная;
Радуйся, плоть Свою Сыну Божию взаимодавшая;
Радуйся, Премудрая, неправо почитающих Тя вразумляющая;
Радуйся, Благодатная, чудесы ивные от икон Твоих источающая;
Радуйся, Милосердная, иноверцев, обращающихся к Тебе не отвергающая;
Радуйся, Преблагая, прошения всех скоро исполняющая;
Радуйся, Пресвятая, всех любовию Своею покрывающая;
Радуйся, Пресветлая, лжеучителей суемудренных вразумляющая;
Радуйся, Чистая, колеблющихся в вере наставляющая и утверждающая;
Радуйся, Образе любве неизреченныя, Пресвятыя Троицы чистое зерцало.

Кондак 10

Спасти хотящи род человеческий от скорбей и болезней, Богомати, велию милость имаши к страждущим младенцем, ведомо бо есть, яко
помазани бывше елеем от иконы Твоея в церкви Бусиновской, скорее получаху изцеление. Матери же оных воспеваша Богу: Аллилуиа.

Икос 10

Стена еси крепкая, Богмати. Обители Молченской, и веси Бусиновской ограда несокрушимая. Сего ради припадающе к чудотворной иконе
Твоей с многоразличными скорбями своими, вопием Ти таковая:
Радуйся, жен носящих во чреве Хранительнице;
Радуйся, страждущих рожениц Разрешение;
Радуйся, младенцев Млекопитательнице;
Радуйся, благая наставнице юных;
Радуйся, сирот Оградо и изрядное попечение;
Радуйся, Устроительнице благих супружеств;
Радуйся, семей благочестивых Покровительнице;
Радуйся, в скорбех житейских надежная Помощнице;
Радуйся, враждующих скорое примирение;
Радуйся, вдов и матерей одиноких Заступление;
Радуйся, в немощней старости Опоро и Утешение;
Радуйся, всеми отверженных Защищение;
Радуйся, Образе любве неизреченныя, Пресвятыя Троицы чистое зерцало.

Кондак 11

Пением хвалебным прославляем Тя вси, Богородице, яко по великому милосердию Твоему, хулители веры православныя, осквернивше
живоносный источник Бусиновский, замышляли умалити сияние славы иконы Твоея, Владычице. Обаче в замысле своем никакоже успеша,
возросла бо есть слава Ея паче прежняго. Вернии же, радующеся о сем, возопиша Богу: Аллилуиа.

Икос 11

Светильницы наша угасоша, зело оскудели есть мы елеом веры и добродетелей, всуе мятемся в жизни сей временней. К иконе же Твоей
припадающе, силу веры и надежду спасения в Тебе обретаем. Сего ради велегласно Ти вопием:
Радуйся, обуреваемых житейскою бурею Светильниче неугасимый;
Радуйся, мира мятущагося умирение;
Радуйся, рода православного Покровтельнице;
Радуйся, правителей безумных вразумление и наказание;
Радуйся, в ратных бранех правым Поборнице;
Радуйся, правоверных вождей и воинов воодушевление и Хранительнице;
Радуйся, больных и уязвленных ранами Целительнице;
Радуйся, средь толп мятежных сущим Покрове и Ограждение;
Радуйся, изгнанных из домов своих Пристанище;
Радуйся, у края бездны сущих Спасение;
Радуйся, матерем скорбящим, усердно молящимся Тебе, заблудших детей Возвращение;
Радуйся, отчаявшимся надежду спасения подающая;
Радуйся, Образе любве неизреченныя, Пресвятыя Троицы чистое зерцало.

Кондак 12

Благодать, возсиявшая иногда посреде блат Молченских от дивныя иконы Твоея, Богомати, преизливается ныне в веси Бусиновской и во всем
граде Московском, знаемо бо есть, яко сугубую благодатную помощь имут от Тебе недугующии душевными болезньми и одержимые духами
нечистыми. Мы же, ликующе о сем, вопием Богу: Аллилуиа.

Икос 12

Поюще множество благодеяний Твоих роду человеческому, не уподобимся младенцем несмысленным, дарам материнским радующимся, самую же матерь благодарити забывающим. Но имуще в Тебе, Богородице, красоты и любве сокровище неистощимое, воспоим благодарными усты Ти сице:
Радуйся, дарованьми благодатными обильно украшенная;
Радуйся, усердно притекающих к Тебе щедро одаряющая;
Радуйся, рода человеческаго упование;
Радуйся, всея твари Божией чаяние;
Радуйся, одержимых духами нечистыми исцеление;
Радуйся, вся потребная ко спасению подающая;
Радуйся, отходящим в жизнь вечную ободрение и заступление;
Радуйся, неправых судей вразумление;
Радуйся, страждущих узников Защита и Утешение;
Радуйся, странствующих Путеводительница;
Радуйся, зиждителей труждающихся благая Помощнице;
Радуйся, песнотворцев богоугодных Вдохновение;
Радуйся, Образе любве неизреченныя, Пресвятыя Троицы чистое зерцало.

Кондак 13

О, Всепетая Мати, припадающе ныне к благодатней иконе Твоей, просим Тя умолити милостиваго Бога: да спасет погибающий мир, помилует
страну нашу Российскую и нас, живущих в ней вразумит и на путь правый наставит, да воспоем Ему вси: Аллилуиа.

(Сей кондак поется 3 раза, а затем икос 1 и кондак 1)

 
ucnobegbДата: Среда, 01.10.2008, 12:57 | Сообщение # 4
Admin
Группа: Администраторы
Сообщений: 1379
Репутация: 0
Статус: Offline

Молитва

О, Всемилостивая, человеколюбивая Владычице наша Богородице! Услыши сие немощное моление с любовию и трепетом припадающих к честной и славней Молченской иконе Твоей. Смиренно просим Тя: буди Стена нерушимая стране нашей Российстей, святую Церковь Православную защити от неверия, ересей и расколов. Ты бо еси всесильная христиан Заступница. Всякую душу, к Тебе прибегающую, огради от злаго обстояния, скорби и болезни, удержи от падений греховных, падших возстави к покаянию, страждущих душевными недугами и одержимых злыми духами исцели, подаждь уходящим в жизнь вечную утешение и надежду спасения, и вся потребная к благочестивой жизни даруй. Да славим в Троице Единаго Бога, Отца, и Сына, и Святаго Духа и Твое милостивное предстательство, ныне и присно и во веки веков.
Аминь.

Тропарь

Днесь светло красуется славный град Москва и в Путивле ликование велие, яко чествуют, Богомати, дивную икону Твою, медом благодати
всех напояющую.

Кондак

Притецем, людие, к Владычице нашей Деве Богородице, икону бо Свою Молченскую нам дарова, токи исцелений источающую, всякую
помощь в душевных и телесных недугах подающую и к жизни вечной приводящую.

Прикрепления: 5975531.jpg(140Kb)
 
Форум » Тестовый раздел » Христианский форум. Иконы.Фото монастырей. » Молченская икона Божьей Матери
Страница 1 из 11
Поиск:

Форма входа

Друзья сайта
Мини-чат